Mańǵystaý oblysynyń Beineý aýylynda eki mekteptiń oqýshylary tapa-taltúste tóbeles shyǵardy, - dep habarlaidy "Ult aqparat".
Tóbelestiń videosy Instagram-daǵy smotra_shymkent paraqshasynda jariialandy. Kadrlarǵa qaraǵanda, janjal bastalǵanda politseiler jaqyn mańda júrgen.
Mańǵystaý oblystyq politsiia ókilderi oqiǵaǵy qatysty pikir bildirdi.
"25 mamyrda saǵat 11.00-de Beineý aýdanynyń Beineý aýylynda J.Qaldyǵaraev jáne Y.Altynsarin atandaǵy mektep oqýshylary arasynda tóbeles boldy. Oqiǵa ornynda jeti adam ustalyp, mán-jaidy anyqtaý úshin politsiia bólimshesine jetkizildi. Jábirlenýshi joq. "Sońǵy qońyraý" kúnine bailanysty politsiia kúsheitilgen rejimge kóshti", - dep habarlady politsiia departamentindegiler.
Atalǵan fakt Qazaqstan Qylmystyq kodeksiniń 293-baby "Buzaqylyq" boiynsha tirkeldi.
Mańǵystaý oblysynyń politsiia departamenti túlekterdiń ata-analaryna kámeletke tolmaǵan balalar úshin jaýapkershiliktiń bar ekendigin eskertedi jáne osy kúni mektep oqýshylaryn qadaǵalaýdy kúsheitýge shaqyrady.
