Mańǵystaý oblysy Túpqaraǵan aýdanynda 90 jastaǵy Atabai Azmaǵambetov koronavirýstan jazylyp shyqty, dep habarlaidy "Ult aqparat".
Búgin Atabai Azmaǵambetov Túpqaraǵan aýdandyq ortalyq aýrýhanasynyń koronavirýs infektsiiasyna arnalǵan bóliminen emdelip shyqty. Atabai aqsaqal atalǵan bólimge koronavirýs infektsiiasy, ókpeniń eki jaqty qabynýy diagnozymen 24 mamyr kúni túsken edi.
Túpqaraǵan aýdandyq ortalyq aýrýhanasynyń bas dárigeri Gúlshat Shalabaeva aqsaqaldyń qazirgi jaǵdaiy týraly aitty.
«Atabai aqsaqal 20 mamyrdan bastap aýyra bastaǵan. Óziniń aitýynsha, denesinde álsizdik belgiler paida bolǵan. Januiasy bizge habarlasqannan keiin, dárigerler shuǵyl túrde úiine baryp, densaýlyǵyn tekserdi. Aqsaqaldyń ókpesin tyńdaý nátijesinde jáne kompiýterlik tomografiia qorytyndysyna sáikes naýqastyń ókpesiniń 35 paiyzy zaqymdalǵany anyqtaldy. Aqsaqal aýrýhanaǵa 24 mamyrda qabyldandy. Búgin dertten aiyǵyp, otbasymen aman-esen qaýyshyp otyr», - dedi ol.
«Sońǵy tájiribeler kórsetip otyrǵandai, jótel belgisi joq, alaida denesinde álsizdik qana baiqalǵan azamattardyń eki ókpesiniń birdei qabynǵany anyqtalyp otyr. Sondyqtan da, turǵyndardy densaýlyqtaryna bei-jai qaramaýǵa, sanitarlyq talaptardy saqtaýǵa, meilinshe vaktsina qabyldaýǵa shaqyramyn», - dedi Gúlshat Shalabaeva.
