Oblystyq «Ana men bala» perinataldy ortalyǵynyń dárigerleri Covid-19-ben aýyrǵan júkti áieldi aman alyp qaldy. Naýqastyń ókpesine 70% zaqym kelgen, dep habarlaidy "Ult aqparat".
Aqtaý qalasynyń turǵyny Baqtygúl Kabýldinany perinataldyq ortalyqqa jedel járdem brigadasy jetkizdi.
Ananyń ókpesi zaqymdalǵandyqtan, qursaqtaǵy bala jetkilikti ottegi almady.
Júkti áiel qandai jaǵdaida koronavirýs infektsiiasyn juqtyrýy múmkin ekenin aita almady.
«Bastapqyda aýrýmen ózim kúrestim. Biraq keiinirek óz betimshe emdelý qatelik ekenin túsindim. Qorqynyshty boldy. Entigý kúsheiip, júrek toqtap qalatyndai sezim boldy. Endi jaqyndarymdy kórmeimin dep oiladym. Men jáne balam dárigerlerdiń arqasynda aman qaldyq. Perinataldy ortalyqtyń meditsina qyzmetkerlerine alǵysym sheksiz», - deidi áiel.
Aita ketý kerek, bul - Baqytgúl Kabýldinanyń otbasyndaǵy besinshi bala. Qazir áiel ózin jaqsy sezinedi.
Oǵan jáne balanyń ómirine qaýip tóndip turǵan joq. Birneshe kúnnen keiin olar perinataldy ortalyqtan shyǵarylady.
Oblystyq perinataldy ortalyq bazasyndaǵy infektsiia bólimshesinde 40 áiel em alyp jatyr. Onyń 5-eýi aýyr halde.
Olar jansaqtaý bólimine aýystyrylyp, ÓJJ apparatyna qosylǵan.
Dárigerler júktilik respiratorlyq virýstyq infektsiia áserinen aýyr aýrýlardyń qaýpin arttyratynyn eske salady.
Sondyqtan júkti áielderge koronavirýsty juqtyrý múmkindigin azaitý úshin qatań oqshaýlaý rejimi usynylady.
Sonymen qatar, koronavirýs infektsiiasymen aýyratyn áielder júktilikti josparlamas buryn tekserýden ótýi kerek.
Ásirese saýyqqannan keiin eki aidan keiin entigý ketpeitin áielder tekserýden ótkeni durys. Óitkeni, júktilik kezinde ol tek kúsheiedi.
