QR Ulttyq ekonomika ministrliginiń Statistika komiteti ótken mamyr aiynda turǵyn úi naryǵynda baǵa qalai ózgergenin málim etti, dep habarlaidy "Ult aqparat".
«2020 jylǵy mamyrda onyń aldyńǵy aimen salystyrǵanda abattandyrylǵan turǵyn úidi alyp-satý baǵasy – 1%, abattandyrylmaǵan úidi alyp-satý baǵasy – 0,5%, jańa turǵyn úilerdi alyp-satý 0,2% ósti. Abattandyrylǵan turǵyn úidi jalǵa alý tólemi 0,2% qymbattady», - delingen aqparatta.
Statistika komitetiniń málimetine sáikes, ótken mamyr aiynda jańa turǵyn úilerdi satý baǵasy 1 sharshy metri úshin 297 775 teńgeni qurady.
Abattandyrylǵan turǵyn úilerdiń 1 sharshy metri 208 148 teńge turdy.
Al abattandyrylmaǵan baspananyń 1 sharshy metriniń baǵasy 128 730 teńgeni qurady.
Abattandyrylǵan turǵyn úidi jalǵa alý tólemi 1 sharshy metri úshin 1 577 teńge boldy.
