Foto: kub89.ru
MÁMS (Mindetti áleýmettik meditsinalyq saqtandyrý) júiesine artyq tólengen jarnalaryn qaitaryp alýǵa azamattar tolyqtai quqyly. Bul týraly Densaýlyq saqtaý ministri Aqmaral Álnazarova Májiliste ótken Úkimet saǵatynda málimdedi, - dep habarlaidy Ult.kz.
Depýtat Erlan Sairov ministrden eki nemese úsh jerde jumys isteitin adamdardyń MÁMS-ǵa jarna tóleý tártibin surady.
"Eger azamat birneshe jerde jumys istese, jarna barlyq jumysynan tólenedi. Biraq ol bir jyl ishinde emhanaǵa múlde júginbese, aqshasy paidalanylmai qalady. Bul ádiletsiz. Árbir azamatqa óz jarnalaryn baqylaý, basqarý jáne qandai meditsinalyq qyzmetterdi paidalana alatynyn bilý quqy berilýi kerek. Bul qarajatty qajet bolǵan jaǵdaida óz aqshasy retinde paidalanýǵa múmkindik berilýi qajet", - dedi depýtat.
Densaýlyq ministri Aqmaral Álnazarovanyń aitýynsha, saqtandyrylǵan azamattar qaitken kúnde de meditsinalyq qyzmetti tegin alýǵa quqyly. Alaida birneshe jerde jumys isteitin adamdardyń barlyq jumysynan jarna tólengenimen, onyń kólemi belgilengen shekten aspaýy kerek.
"Eger birneshe jerde jumys isteitin azamattardyń jalpy jarnasy 850 myń teńgeden (10 eselengen eń tómengi jalaqy mólsheri) asyp ketse, olar artyq tólengen somany qaitaryp ala alady. Ol úshin MÁMS-tiń jergilikti filialyna ótinish jazyp, ústindegi qarajatty qaitarýǵa búgingi tańda múmkindigi bar. Bul qarajatty jyldan jylǵa aýystyra almaidy", - dedi ministr Aqmaral Álnazarova.
Bundai júie amattardyń jarna tóleý ádildigin qamtamasyz etýge jáne artyq tólemderdi baqylaýǵa múmkindik bereti de aityldy.
