Qazir koronavirýs infektsiiasynyń taralý qarqyny boiynsha óńirlerdiń kóbi "jasyl aimaqta" ornalasqan. Nur-Sultan qalasy, Qaraǵandy, Pavlodar, Qostanai jáne Soltústik Qazaqstan oblystary "sary aimaqta", Aqmola oblysy "qyzyl aimaqta" tur.
Búgingi tańda 8,8 millionnan asa adam vaktsinanyń birinshi komponentin aldy - bul eresekterdiń 77,5 paiyzy, sondai-aq, 8,2 millionnan asa adam nemese eresekterdiń 72,4 paiyzy ekinshi komponentin aldy.
Úkimet basshysy vaktsinalaý qarqyny tómen Mańǵystaý, Qostanai jáne Batys Qazaqstan oblystarynda halyqty vaktsinalaýmen jáne revaktsinatsiiamen qamtýdy ulǵaitýdy tapsyrdy.
Ákimdikterge densaýlyq saqtaý, aqparat jáne qoǵamdyq damý ministrlikterimen birlesip, halyq arasynda revaktsinalaý qajettiligi týraly aqparattyq-túsindirý jumysyn júrgizýdi tapsyrdy.
"Koronavirýs infektsiiasynan qorǵanýdyń negizgi tiimdi quraly - vaktsina alý men revaktsinalaý", - dedi A. Mamin.
Shetelde virýstyń jańa shtamynyń taralýyn eskere otyryp, premer-ministr elge syrttan keletinderge memlekettik shekarada kúsheitilgen baqylaýda ustaýdy jalǵastyrýdy tapsyrdy.
