QR Premer-Ministri Asqar Mamin Almaty qalasyna jumys sapary aiasynda qalalyq metropolitenniń damý barysyn tekserdi. Bul týraly Úkimettiń baspasóz qyzmeti habarlady.
Qazirgi tańda metropolitenniń birinshi jelisiniń jumys istep turǵan 9 metro stantsiiasyna qosymsha «Saryarqa», «Dostyq» jáne «Qalqaman» stantsiialary salynyp jatyr, bul jeliniń jalpy uzyndyǵyn 10,3 shaqyrymnan 15,9 shaqyrymǵa deiin, al jolaýshylar aǵynyn táýligine 46 myńnan 93 myń adamǵa deiin arttyrady.
Osy jyldyń sońyna deiin «Saryarqa» jáne «Dostyq» stantsiialarynda qurylys-montajdaý jumystaryn aiaqtap, tehnikalyq iske qosý josparlanǵan. 2022 jyldyń I toqsanynyń sońyna deiin iske qosý-retteý jumystaryn aiaqtaý jáne stantsiialardy paidalanýǵa berý kózdelgen. «Qalqaman» stantsiiasynda qurylys-montajdaý jumystary bastaldy.
Úkimet basshysy Almaty metropoliteniniń birinshi jelisiniń II kezegin damytý boiynsha josparlanǵan barlyq jumystardyń ýaqytyly jáne sapaly aiaqtalýyn qamtamasyz etýdi tapsyrdy.
