Parlament palatalarynyń birlesken otyrysynda Konstitýtsiialyq Keńestiń tóraǵasy Qairat Mámi ólim jazasynan bas tartý boiynsha zań shyǵarý jumystary jaiynda aitty, dep habarlaidy "Ult aqparat".
«Konstitýtsiialyq Keńestiń sheshimderin oryndaý protsesi jalǵasýda. Respýblika Prezidenti málimdegen jáne júrgizip otyrǵan qoǵam men memleketti odan ári demokratiialandyrý baǵyty konstitýtsiialyq baqylaý organynyń rólin arttyrýdy jáne Konstitýtsiialyq Keńes týraly zańnamany jetildirýdi talap etedi.
Azamattardyń konstitýtsiialyq baqylaýǵa qol jetkizýin keńeitý qajet.
Bul baǵytta sottardyń Konstitýtsiialyq Keńeske ótinish jasaý tártibin, taraptardyń qoldanystaǵy zańnyń konstitýtsiialyǵyn tekserý týraly ótinishterin qaraý tártibin ońtailandyrý ózekti. Eýropa Keńesiniń Venetsiia komissiiasy bul máseleler boiynsha oń qorytyndysyn berdi», - dedi ol QR Konstitýtsiialyq Keńesiniń Respýblikadaǵy konstitýtsiialyq zańdylyqtyń jai-kúii týraly jyl saiynǵy joldaýyn jaiarlaý kezinde.
Mámidiń sózine qaraǵanda, Qazaqstan Respýblikasynda memlekettik basqarýdy damytýdyń 2030 jylǵa deiingi tujyrymdamasyn júzege asyrý aiasynda jekelegen memlekettik fýnktsiialardy qaita qaraý jáne olardyń aiasynda kórsetiletin memlekettik qyzmetterdi básekeles ortaǵa berý jónindegi jumys jalǵastyrylatyn bolady. Konstitýtsiialyq Keńes «memlekettik fýnktsiia» jáne «memlekettik kórsetiletin qyzmetter» uǵymdarynyń teń maǵynaly emestigin atap ótken bolatyn. Bul uǵymdardy bir-birimen teń túsiný azamattyq-quqyqtyq institýttardyń jariia-quqyqtyq institýttarmen aralasyp ketýine ákep soqtyrýy múmkin. Sondyqtan osy baǵyttaǵy jumys osy konstitýtsiialyq talaptar eskerile otyryp, júieli ári turaqty túrde júrgizilýge tiis.
«Qazaqstannyń basty maqsattarynyń biri adam quqyqtaryn jan-jaqty qorǵaý bolyp qalýda. Ótken jyldyń sońynda Qazaqstan Respýblikasy Prezidentiniń ótinishi boiynsha Konstitýtsiialyq Keńes Respýblika Konstitýtsiiasynyń ólim jazasyn qoldaný máselelerin reglamentteitin erejelerine resmi túsindirme berdi. Keńes atap ótkendei, Konstitýtsiiaǵa jáne jalpyǵa birdei tanylǵan halyqaralyq aktilerge sáikes, ómir súrý quqyǵy demokratiialyq qoǵamnyń negizgi qundylyǵy bolyp sanalady. Negizgi Zań ólim jazasyn belgileý, olardyń sheńberin qysqartý nemese odan bas tartý týraly máseleni Parlamenttiń quzyryna qaldyrady. Osy quqyqtyq ustanymdardy eskere otyryp, tiisti zańdardy ózderińiz ratifikatsiialaǵan Azamattyq jáne saiasi quqyqtar týraly halyqaralyq paktiniń Ekinshi Fakýltativtik hattamasynyń erejelerimen úilestirý jónindegi jumysty aiaqtaý kerek. Sonymen qatar, quqyq qorǵaý júiesin jańǵyrtý jóninde júrgizilip jatqan jumys aiasynda qylmystyq protseske qatysýshylar quqyqtarynyń konstitýtsiialyq kepildikterin nyǵaitý boiynsha baǵytty jalǵastyrý kerek», - dedi Konstitýtsiialyq Keńestiń tóraǵasy.
Budan bóleýk Mámi múgedekter quqyqtaryn qorǵaý, olarǵa teń múmkindikterdi qamtamasyz etý maqsatynda halyqaralyq praktikada qalyptasqan normalar men standarttar keshenin barynsha paidalanǵan jón ekenin atap ótti.
