Seisenbi, 2 tamyz kúni Ońtústik Qazaqstan oblysynyń ákimi Beibit Atamqulov Maqtaral aýdanyndaǵy Eraliev aýyldyq okrýgine qarasty Seifýllin eldi mekeninde qurylǵan shuǵyl shtabtyń jiynyn ótkizdi. Bul týraly Ońtústik Qazaqstan Oblysynyń Ákimdiginiń baspasóz qyzmeti habarlady.
Otyrysqa QR ishki ister ministriniń birinshi orynbasary M.Demeýov pen quqyq qorǵaý organdarynyń ókilderi jáne oblystyq, sondai-aq, aýdandyq ákimdikterdiń qyzmetkerleri qatysty.
Shtab jiyny barysynda oblys ákimi qabyldanǵan sharalar jaiymen tanysyp, atalǵan eldi mekende tártip pen zańdylyqty qamtamasyz etý úshin naqty tapsyrmalar berdi.
Munan soń Beibit Atamqulov jergilikti halyqpen, onyń ishinde, aýyldyń aqsaqaldarymen jáne aýdandyq máslihat depýtattarymen kezdesti. Onda óńir basshysy kámelet jasqa tolmaǵan jasóspirimniń zorlyq-zombylyq áreketiniń rastalmaǵanyn aityp, meditsinalyq saraptamanyń qorytyndysyn jariialady. Aimaq basshysy atalǵan jaǵdaidyń qylmystyq sipatta ekenin atap ótip, aýyl turǵyndaryn jalǵan aqparattar men qaýesetterge senbeýge shaqyrdy.
Jiyn kezinde oblystyń bas prokýrory I.Imanov sóz alyp, eldi mekende zań buzýshylyqty boldyrmaýdyń qajetti sharalary qabyldanǵanyn jetkizdi.
Atalǵan eldi mekendegi qoǵamdyq qaýipsizdik pen turaqtylyqtyqty qamtamasyz etý sharalary jalǵasatyn bolady.
Jaǵdai qatań baqylaýda.
"Ult aqparat"
