Túrkistan oblysynda karantin talaptaryn óreskel buzyp, besik toi jasaǵan turǵyn anyqtaldy, dep habarlaidy "Ult aqparat"
Qazirgi tańda koronavirýs indetine bailanysty elimizde karantin rejimi engizilgeni barshamyzǵa belgili.
Osyǵan qaramastan, oblys turǵyndary aǵaiyn-týys, dos-jarandaryn shaqyryp, ulan-asyr toi jasaýyn toqtatar emes.
Osy tusta karantin talaptarynyń saqtalýyn qadaǵalaý maqsatynda qurylǵan arnaiy mobildik toptar, toi-jiyndarǵa jinalǵan kópshilikti tarqatýda.
Bul baǵyttaǵy jumys turaqty júrgizilýde.
Máselen, Maqtaaral politsiia qyzmetkerleri saǵat 11:40 shamasynda Maqtaaral aýdanynyń kósheleriniń birinde ornalasqan toihanada besik toiyn ótkizip jatqanyn anyqtady.
Toiǵa 80-nen astam adam jinalǵan.
Mobildi top turǵyndarǵa túsindirme jumystaryn júrgizip, toidy der kezinde toqtatyp, adamdardy úilerine tarqatty.
Karantin talaptaryn elemegen toi iesine qatysty QR ÁQBtK-niń 425-baby boiynsha is-qujattar jinaqtalyp, zańdy sheshim qabyldaý úshin Maqtaaral aýdandyq SEBB-ǵa joldandy.
Óz kezeginde Túrkistan oblysynyń politseileri barlyq azamattarǵa karantin kezinde saqtyq sharalardy ustanyp, adamdar kóp shoǵyrlanǵan jerlerge barmaýdy, basqosýlar men toi-jiyndardy jasamaýdy eskertedi.
Karantin eskerilmei, quqyq buzýshylyqqa jol berilgen jaǵdaida, zań aiasynda jaýapkershilik qarastyrylǵan.
Sondyqtan nemquraidylyq tanytpai, óz saýlyqtaryńyz úshin karantin talaptaryn ustanǵandaryńyz jón.
