Foto: instagram.com
Tanymal vainer Meirjan Týrebaev jazasyn ótep, úiine oralǵany týraly aityp, jary Dana Eseevamen birge túsken video jariialap, mahabbat týraly jazba jariialady, dep habarlaidy Ult.kz.
"Syrtqy ómirde erkindigimdi joǵaltqanda, ishki erkindikke qol jetkizdim. Demek, bári osylai bolýy kerek bolǵan. Ómir beretin sabaqtardan qashyp, baqytty ómir súrý múmkin emes. Jan umtylatyn tájiribeden ózińdi aiyrý da múmkin emes.
Maǵan tynyshtyq kerek boldy — ýaqyttan tys qalyp, róldersiz, ózimmen-ózim qalyp, «Men kimmin?» degen suraqqa jaýap izdeý qajet edi. Keide jańa ózińdi qurastyrý úshin aldymen kúireý kerek.
Osy tájiribe úshin Jaratqanǵa alǵys aitamyn. Ol — baǵa jetpes. Bul janymnyń erekshe sapary boldy", — dep jazdy vainer.
Sonymen qatar Meirjan Týrebaev áieli, bloger Dana Eseevamen túsken romantikalyq beinerolik te jariialap, mahabbatqa toly jazba jariialady.
"Men adamnyń mánge ainalatyny ne ekenin anyq túsindim — tipti ol janymda bolmasa da. Mahabbat aiyrbas bolýdan qalyp, jannyń kúiine ainalǵan kezde. Ol dáleldeýdi talap etpeidi, qashyqtyqqa, ýaqytqa nemese jaǵdaiǵa táýeldi emes. Ol jai ǵana bar.
Viktor Frankldiń «Skaji jizni Da» atty kitabynda, óz tájiribesi týraly jazǵanda, bul mahabbat ishki jaryqqa ainalady. Ol súiiktisiniń tiri ekenin de, qaita kóre alatynyn da bilmedi, biraq olardyń bailanysy úzilmeitindei ómir súrýdi jalǵastyrdy. Onyń qiialynda olar árdaiym birge boldy. Ol onyń janynda ekenin sezinip, oisha sóilesip, beinesin júreginde aialap saqtady. Dál osy nárse oǵan kúsh berdi.
Sebebi rýhani mahabbat — ielený týraly emes. Bul — tipti búkil syrtqy álem kúirep jatqanda da buzylmaityn bailanys. Bul — «bir nárse úshin» nemese «sol sebepti» emes, basqasha bolýy múmkin emes bolǵandyqtan súiý.
Adam seniń janyńnyń bir bóligine ainalǵanda, tipti «qarańǵylyqta» da onyń jaryǵyn ózińmen birge alyp júresiń", — dep aǵynan jaryldy vainer.
Onyń jazbalaryna jaqyndary, dostary men oqyrmandary aq tilekterin jaýdyryp, erli zaiypty blogerlerdiń mahabbattaryna súisinip jatty.
"Sender shynymen birgesińder me? biz muny qansha ýaqyt kúttik qoi. Alla Taǵala eki dúniede de baqyt násip etsin. Biz jai ǵana jaqsy kóremiz, ári senderdi osylai baqytty kúide kórgende, biz de baqytty bolamyz."
Meiirjan, Danochka, shyn júrekten senderge baqyt tileimin. Ómirleriń mahabbatqa, jylýlyqqa jáne ózara túsinistikke toly bolsyn. Ár kún qýanysh, kúlki jáne jaǵymdy sátter syilasyn. Bir-birlerińdi baǵalap, qoldap, armandaryńa birge jetińder", — dep jatsa, basqalary Týrebaevtyń úiine oralǵanyna qýanyshyn bildirip jatyr.
"Balam,aman-esen otbasyńa oralýyńmen!!! Jaqsy kúnderiń aldyda bolsyn,otbasyń aman,deniń saý,jaqsylyqtaryń kóp bolsyn!!! Qýanyshyńa ortaqpyn!!! Alla bizgede osy kúndi buiyrtsyn,ámin".
Qaita jańǵyryp, oralǵan Meirjan Týrebaev qutty bolsyn. Endi tek myqtyraq, tek jaqsyraq, tek biigirek — júrekte Alla men mahabbatpen!
Qudaiǵa shúkir! Otbasyńa oralýyńmen", — degen syndy pikirler jazylyp jatyr.
Eske salaiyq, 2022 jylǵy 19 sáýirde Meirjan Týrebaev pen Meiirhan Sherniiazov «Mudarabah Capital» qarjy piramidasyna qatysty rezonansty is boiynsha qamaýǵa alynǵan bolatyn. Al 2023 jylǵy 23 maýsymda akterler kináli dep tanylyp, qarjy piramidasyn qurǵany úshin bes jylǵa bas bostandyǵynan aiyryldy.
