Magistratýra men doktorantýraǵa túsý úshin ótinish qabyldanyp jatyr, dep habarlaidy QR BǴM baspasóz qyzmeti.
15 maýsymnan 15 shildege deiin magistratýraǵa túsýge arnalǵan keshendi testileýge qatysý úshin ótinishterdi qabyldaý júrgiziledi. Testileý elektrondy formatta 1 - 15 tamyz aralyǵynda ótkiziledi.
Magistratýra boiynsha bilim berý grantyn taǵaiyndaý konkýrsyna qatysý úshin ótinishter 16 - 20 tamyz aralyǵynda qabyldanady.
3 shildeden 3 tamyzǵa deiin doktorantýraǵa túsýge ótinishterdi qabyldaý júrgiziledi.
Doktorantýraǵa túsý emtihandary 4 - 20 tamyz aralyǵynda ótkiziledi.
Ótinishterdi QR BǴM Ulttyq testileý ortalyǵynyń saity arqyly JOO qabyldaý komissiialary qabyldaidy.
