Foto: QR MAM
Merekege orai respýblikalyq mádeniet uiymdarynda birqatar is-sharalar ótkizilip jatyr, dep habarlaidy Ult.kz Mádeniet jáne aqparat ministrligine silteme jasap.
Qazaqstan Respýblikasynyń Ulttyq ortalyq mýzeiinde «Dala mádenietiniń jahandyq beinesi» atty halyqaralyq festival ótýde. Al Mádenietterdi jaqyndastyrý ortalyǵynda «Mádeniet pen dástúr – ult bolmysynyń negizi» atty taqyryptyq is-shara uiymdastyryldy. Astanada E. Rahmadiev atyndaǵy memlekettik akademiialyq filarmoniiada «Mádeniet kúni – mádeni mura keńistigi» atty merekelik baǵdarlama ótýde. Bul jobalar halyqtyń mádeni kodyn qalyptastyratyn tarihqa, dástúrlerge jáne ulttyq qundylyqtarǵa arnaldy.
Bul kúni merekelik is-sharalar elimizdiń óńirlerin de keńinen qamtydy. Aqtóbe oblysynda ulttyq óner men dástúrlerdi dáripteitin «Jyraýlar jolymen» mádeni jobasy men «Dastur-fest» festivali uiymdastyryldy. Aqmola oblysynda kórermenderge «Kóktem-kerýeni» atty ulttyq-tanymdyq baǵdarlama usynyldy. Al Qaraǵandy oblysynda «Naýryz toiy – mereke, salt-dástúrim – bereke» atty tarihi-etnografiialyq kesh, digital formattaǵy baiqaý jáne «Nauryz: Inspired by Traditions» festivali ótýde. Mańǵystaý oblysynda halyqtyń salt-dástúrleri men ádet-ǵuryptaryna arnalǵan teatrlandyrylǵan qoiylymdar uiymdastyrylýda.
