Mádeniet jáne sport ministri Aqtoty Raiymqulova oqýshylar úshin «Ulaǵatty urpaq» mádeni-bilim berý jobasyn iske qosylǵanyn aitty, dep habarlaidy "Ult aqparat".
«Balalardyń tulǵalyq turǵyda aiqyndalýyn damytý, olardyń qabiletterin ushtaý, oqýshylardyń adamgershilik jáne rýhani qasietterin shyńdaý úshin qosymsha bilim berýdiń mańyzdylyǵyn eskere otyryp, ministrlik «Ulaǵatty urpaq» mádeni-bilim berý jobasyn iske qosty. Joba 1-11 synyp oqýshylary úshin ázirlengen jáne uzaqtyǵy 10-15 minýttan aspaityn onlain-formattaǵy qysqa beine-sabaqtardy qamtidy. Balalar úiden shyqpai-aq Qazaqstannyń kieli jerlerine virtýaldy týrlar jasap, opera, balet, drama óneriniń úzdik úlgilerin, qazaqstandyq jáne sheteldik qyzyqty kinofilmder men mýltfilmderdi kórip, tańǵajaiyp mýzykalyq týyndylardyń dybysyn tyńdai alady», - dedi Aqtoty Raiymqulova OKQ-da ótken baspasóz máslihatynda.
Sonymen qatar ministr oqýshylarǵa arnalǵan madeni-m.kz saity baryn aityp ótti. Atalmysh saitta qazaq jáne orys tilderinde mýzykalyq óner, teatr óneri, kinematografiia, beineleý óneri jáne «Qasietti Qazaqstan» atty 5 baǵyty boiynsha barlyq bilim berý beine-sabaqtary qoljetimdi.
