Búginde mýzei basshylyǵy aiyppuldyń 50 paiyzyn tólegen.
"Bul mýzei respýblikalyq mańyzy bar qala qurylysy men sáýlet eskertkishi qataryna jatatynyn, 1983 jyldan bastap memlekettik tarihi jáne mádeni eskertkishter tizimine kiretinin atap ótkimiz keledi.
Elimizdiń "Tarihi-mádeni mura obektilerin qorǵaý jáne paidalaný týraly" Zańyna sáikes, eskertkishterdi qorǵaýdy qamtamasyz etý maqsatynda:
1) qorǵaý aimaqtary;
2) qurylys salýdy retteý aimaqtary;
3) Qazaqstan Respýblikasynyń zańnamasynda aiqyndalatyn tártippen qorǵalatyn tabiǵat landshaft aimaqtary bolyp bólinedi.
Tarihi-mádeni mura nysandaryn qorǵaý jáne paidalaný salasyndaǵy zańnamada kórsetilgendei dál osyndai tarihi-mádeni eskertkish aýmaǵynda qurylys jumysyn júrgizýge shekteý bar.
Zańda qalalar men basqa da eldi mekenderdi josparlaý, salý jáne rekonstrýktsiialaý jobasy, tarihi jáne mádeni eskertkishter ornalasqan jerdi paidalaný kartasy ýákiletti organmen kelisilýi kerek ekeni kórsetilgen. Alaida murajaidyń aýmaǵyna osy kóp qabatty turǵyn úi keshenin salýǵa Ministrlik kelisim bergen joq.
Murajaidyń salqyndatý jáne konditsionerleý júiesi murajaidyń ózi qurylǵan sátten bastap, iaǵni 1976 jyly júrgizilgenin atap ótken jón. Bul ǵimarattyń tirshiligin qamtamasyz etý júiesi, al ǵimarattyń syrtynda turǵan qazirgi tońazytqyshtar 2008 jyly ornatyldy. Olar shtattyq rejimde jumys isteidi. Jyl saiyn profilaktikalyq qyzmet kórsetýden ótedi jáne óndirýshiniń sipattamalaryna sai keledi", - delingen habarlamada.
Mádeniet jáne sport ministriniń 2015 jyly 7 jeltoqsandaǵy №372 buiryǵymen bekitilgen Qazaqstan Respýblikasy mýzei qorynyń mýzei zattaryn esepke alý, saqtaý, paidalaný jáne esepten shyǵarý nusqaýlyǵyna sáikes, ártúrli mýzei zattaryn keshendi saqtaý kezinde aýa temperatýrasy +18o ± 1° Tselsii bolýy kerek.
Iaǵni, mýzeidiń salqyndatý jáne konditsionerleý júiesi ulttyq mádeni murany saqtaýdyń kepili jáne kez kelgen mýzeidiń sapaly jumysyn qamtamasyz etýdiń mindetti bóligi.
Der kezinde áreket etýdiń arqasynda mýzei men Central Esentai Resedence turǵyn úi kesheniniń qurylysyn júrgizgen tarap kelissóz júrgizdi. Onyń nátijesi boiynsha qurylys júrgizgen tarap bul jaǵdaidy retteitinin jetkizip, ýaǵdalastyqqa qol jetkizdi. Ministrlik bul másele turaqty baqylaýda bolatynyn habarlady.
Eske salaiyq, 12 shildede Qasteev mýzeii jańa turǵyn úi keshenimen daýlasyp jatqany habarlanǵan bolatyn. Qala turǵyndary mýzei jeldetkishterinen shyǵatyn qatty dybysqa shaǵymdandy. Alaida mýzei qyzmetkerleri turǵyn úi kesheni kúzet aimaǵynda salynǵanyn, sondyqtan turǵyndar qiyn jaǵdaiǵa tap bolǵanyn aitqan.
