Foto: egemen.kz
Ekibastuzda birqatar memlekettik qyzmetshiniń býkmekerlik keńselerde belsendi shottary bolǵany anyqtaldy, dep habarlaidy Ult.kz.
Qala prokýratýrasynyń málimetinshe, olardyń keibiriniń shot ainalymy milliondaǵan teńgege jetken. Tekserý barysynda ákimdik qyzmetkerleriniń qyzmettik ádep normalaryn buzǵany belgili boldy.
Atap aitqanda, laýazymdy tulǵalar zańnamalyq tyiymǵa qaramastan býkmekerlik keńselerde belsendi shottar ashyp, bás tigip otyrǵan.
Máselen, TKSh, jolaýshylar kóligi jáne avtomobil joldary bóliminiń sektor meńgerýshisiniń jeke shoty boiynsha ainalym 6,8 million teńgeni quraǵan.
Uqsas zań buzýshylyqtar aýyldyq okrýg ákimi, turǵyn úi inspektsiiasy bóliminiń basshysynyń orynbasary jáne qala ákimdiginiń qurylymdyq bólimshelerinde jumys isteitin taǵy jeti qyzmetker tarapynan da anyqtalǵan.
Prokýratýranyń habarlaýynsha, qyzmettik tekserý nátijeleri boiynsha barlyq materialdar Pavlodar oblysy boiynsha Memlekettik qyzmet isteri departamentiniń Ádep jónindegi keńesine joldanǵan.
Sonymen qatar memlekettik qyzmetshiler tarapynan ádep normalarynyń saqtalýyna tiisti deńgeide baqylaý júrgizbegeni úshin qala ákimi apparatynyń jaýapty basshysy tártiptik jaýapkershilikke tartylǵan.
