Foto: Pexels.com
Qazaqstan Respýblikasy Densaýlyq saqtaý ministrligi azamattardy meditsinalyq emsharalar alý kezinde qaýipsizdik talaptaryn saqtaýǵa shaqyrdy. 2024-2025 jyldar aralyǵynda emsharalyq qyzmet kórsetý sapasyna qatysty 7 shaǵym túsken. Tekserýler barysynda litsenziiasyz qyzmet kórsetý, sertifikattalǵan mamandardyń bolmaýy jáne dári-dármekterdi saqtaý sharttarynyń buzylýy siiaqty olqylyqtar anyqtalǵan, dep habarlaidy Ult.kz.
Osy ótinishterdiń árqaisysy boiynsha jospardan tys tekserýler júrgizildi. Tekserý nátijesinde kelesi buzýshylyqtar anyqtaldy:
- * Tiisti litsenziiasyz meditsinalyq qyzmetti júzege asyrýdyń 4 faktisi;
- * Sertifikattalǵan mamandarsyz rásimdik qyzmet kórsetýdiń 3 jaǵdaiy;
- * Dárilik zattardy saqtaý sharttaryn buzýdyń 2 faktisi.
Tekserý qorytyndysy boiynsha Komitettiń aýmaqtyq departamentteri ákimshilik jaýapkershilik týraly hattamalar jasady, salynǵan aiyppuldardyń jalpy somasy 1 mln teńgeden asty.
Ólimmen aiaqtalǵan jaǵdailarda Jambyl oblysynda qosymsha jospardan tys tekserýler júrgizildi, olardyń barysynda dári-dármekter men meditsinalyq buiymdardy saqtaý qaǵidalarynyń óreskel buzýshylyqtary anyqtaldy.
Osy jaǵdailar boiynsha materialdar odan ári tergeý úshin quqyq qorǵaý organdaryna berildi. Osy óńirdegi emsharalar kabinetteriniń biri qyzmetin resmi túrde toqtatty.
Jambyl oblysynda búgingi tańda 107 emshara kabineti jumys isteidi, onyń 42-si ǵana dárigerge deiingi meditsinalyq kómekti júzege asyrýǵa litsenziiasy bar.
Qoldanystaǵy zańnamaǵa sáikes jospardan tys tekserýler azamattardyń resmi ótinishteri, memlekettik organdardan (ákimdikterden, densaýlyq saqtaý basqarmalarynan) suraý salýlar nemese quqyq qorǵaý organdarynyń tapsyrmalary bolǵan kezde ǵana júrgizilýi múmkin.
Qazaqstan Respýblikasy Densaýlyq saqtaý ministrligi azamattarǵa qatań keńes beredi:
- * emsharalyq meditsinalyq qyzmetterge tek litsenziialanǵan meditsinalyq uiymdarǵa habarlasý;
- * qyzmetkerlerdiń litsenziiasy men biliktiliginiń bolýyn naqtylaý;
- * tiisti dárigerlik baqylaýsyz úide meditsinalyq rásimderdi júrgizýge jol bermeý.
