Reseidiń bedeldi júrgizýshisi ári boks mamany Aleksandr Belenkii 91 kelige deiingi salmaq dárejesindegi Evgenii Tishenko men kazaqstandyq Vasilii Levit kezdesýin "Rossiia-1" telearnasynan júrgize otyryp, tóreshilerdiń jeńisti reseilik boksshyǵa buryp bergenin qoldamaǵan, - dep habarlaidy Vesti.kz.
"Jekpe-jek júrip jatyr, - deidi Belenkii kezdesýdiń aiaqtalýyna 10 sekýnd qalǵanda. - Ókinishke qarai, meniń oiymsha, Levit kóbirek dál soqqylar jasaǵan sekildi. (...) Men ne aita alamyn. Óte myqty kezdesý. Men tóreshilerdiń ne aitatynyn qobaljyp kútip otyrmyn. Olar ne aitsa da, mindetti túrde, kóńili tolmaǵandar bolady, maǵan senińiz. (...) Árine meniń óz pikirim bar, alaida ol eshteńe sheshpeidi. Bul jerde tek qudaiǵa jalbaryný kerek".
Aleksandr Belenkiidiń Facebook paraqshasynda Artem Klopov degen qoldanýshy pikir qaldyrǵan: "Osy kezdesýdegi eń jaǵymdy mezet - ol sizdiń pikirińiz. Áýesqoi boksta ne bolyp jatqanyn bir qudai bilsin. Levit 3 raýndtyń 2,5 jeńdi. Bizge tóreshiler kádimgidei kómektesti, biraq bul kóńilge qýanysh syilamaidy".
Osy pikirge qatysty reseilik maman jaýap qaitardy: Raqmet. Meniń pikirim ózime esh qýanysh alyp kelmedi. Meni erteńgi transliatsiiadan alyp tastaityn shyǵar degendi joqqa shyǵarmaimyn. Meniń ústimnen aryzdar jazylyp qoidy".
Eske salaiyq, 91 kelige deiingi salmaq dárejesinde qazaqstandyq Vasilii Levit keshe, 15 tamyzda 91 kelige deiingi finaldyq kezdesýde reseilik boksshy Evgenii Tishenkomen kezdesken. Tóreshiler Tishenkoǵa jeńis bergen kezde zalda jinalǵan jankúierler ysqyryp, tóreshilerdiń sheshimine óz narazylyqtaryn bildirdi. Levit Rio Olimpiadasynyń kúmis medalin jeńip aldy.
