"Rio Olimpiadasynda altyn alǵan reseilik boksshy Evgenii Tishenko RF Prezidenti Vladimir Pýtinniń kúzetshisi bolyp shyqty", - dep jazdy "Moskovskii komsomolets". Ol biyl mamyr aiynda federaldy kúzet qyzmetine (FKQ) jumysqa turǵan.
- Evgenii Tishenko rasynda da bizdiń adam, Resei FQK sport klýbynyń atynan shyqty, - dep málimdedi federaldy kúzet qyzmetiniń baspasóz jáne qoǵammen bailanys ortalyǵy. - Biraq ol bizge myqty daiyndyqpen keldi, onyń sportshy retinde damýymen IIM ainalysty. Ol Sankt-Peterbýrg politsiia bólimsheleriniń birinde jumys istegen (qosymsha JOO-da bilim alǵan). Sodan keiin 25 jasynda ásker qataryna shaqyrylyp, bizge keldi. Ol óziniń qaida borysh ótep júrgenin tolyq sezinbegen sekildi. Sol úshin Braziliiadaǵy alǵashqy suhbatynda ózin politsei dep tanystyrdy. Olimpiadadan keiin ol qaitadan ásker sapyna iaǵni, federaldy kúzet qyzmetine oralady. Al áskeri qyzmeti aiaqtalǵan soń qaida jumysqa turatynyn ózi sheshedi.
FKQ sportshynyń ómirbaianyn aityp berdi. Bolashaq Olimpiada chempiony besinshi synypta bokspen ainalysa bastaǵan, mektep úiirmesine qatysqan. Eń úlken jetistigi - Ońtústik federaldy okrýginiń birinshiligindegi júldedi oryn bolǵan.
Ázirge, Olimpiadanyń altyn medali - onyń alǵashqy Olimpiada júldesi. Biraq, búginge deiin Evgenii 2015 jyly boks boiynsha Álem jáne Eýropa chempiony atanǵan. 2014 jyly - Resei chempiony, 2013 jyly - álem chempionatynyń kúmis júldegeri.
Aita keteiik, aqtyq saiysta Evgenii Tishenko qazaqstandyq Vasilii Levitti 3:0 esebimen jeńdi. Tóreshilerdiń bul sheshimi qazaqstandyq jankúierlerdiń narazylyǵyn týdyrdy.
QazAqparat
