Qyzylorda oblysynda orama jip tielgen júk kóligi tolyǵymen órtenip ketti, dep habarlaidy "Ult aqparat".
Oqiǵa búgin, 30 tamyzda «Shymkent-Samara» tas jolynyń Jańaqorǵan aýdany aýmaǵynda bolǵan. Tájikstannan Reseige bet alǵan júk kóligi ortqa oranǵan.
«Bul jaiyndaǵy habarlama saǵat 5.33-te aýdandyq №14 órt sóndirý bóliminiń beketine kelip tústi. Oqiǵa Jańaqorǵan aýdanynyń ortalyǵyna 45 shaqyrym qalǵan aýmaqta bolǵan. Tájikstannan Reseige bet alǵan kólik tirkemesinde 20 tonna orama jip tielgen. Órt sóndirýshiler kúshimen kóliktiń kabinasy tolyqtai saqtalyp qaldy. Órt 07.22-de tolyǵymen sóndirildi. Oqiǵanyń sebebi anyqtalýda», - dep málim etti oblystyq tótenshe jaǵdailar departamenti órt sóndirý jáne avariialyq qutqarý jumystary qyzmetinen.
