Qyzylordada kóp qabatty úide bolǵan órtten ýlanǵan 60 jastaǵy turǵyn aýrýhanaǵa jetkizildi, dep habarlaidy "Ult aqparat".
Oqiǵa 28 maýsymda jergilikti ýaqyt 14.44-te Qyzylorda qalasyndaǵy «Astana» shaǵyn aýdanyndaǵy turǵyn úidiń 5-qabatynda órt shyqqan. Qyzyl jalynnyń 4-5-qabattardaǵy ózge de páterlerge taralý qaýpi týyndady.
«Órt saǵat 15.16-te sóndirildi. Kóppáterli úiden 26 adam qaýipsiz jerge shyǵaryldy. Olardyń ishinde 14 bala. Ýly gazǵa ýlanyp qalǵan 1961 jylǵy turǵyn qalalyq aýrýhanaǵa jatqyzyldy. Órttiń shyǵý sebebi anyqtalýda», - dep málim etti Qyzylorda oblystyq tótenshe jaǵdailar departamentinen.
