Qyzylorda oblysynda kanalǵa sýǵa batyp ketken 33 jastaǵy er azamat pen 13 jastaǵy jasóspirimniń deneleri bir kúnnen beri izdestirilip jatyr, dep habarlaidy "Ult aqparat".
Oqiǵa Jańaqorǵan aýdanyna qarasty Kóktóbe aýyly aýmaǵyndaǵy Kelintóbe kanalynda 27 maýsymda saǵat 14:12 shamasynda bolǵan. Shymkent qalasynda turatyn 1988 jylǵy er azamat pen 2008 jylǵy jasóspirim sýǵa batyp ketken.
«Oqiǵa ornyna jedel qutqarý jasaǵynan 6 qutqarýshy 1 tehnika, 1 úrlemeli qaiyq, 3 jinaq súńgýir jabdyǵymen bardy. Mamandar saǵat 18.34-te izdestirý jumystaryn bastady. Oǵan qosa motorly qaiyqpen sý betinde izdestirý júrgizildi. Oǵan barlyǵy 13 adam qatysty», - dep málim etti oblystyq tótenshe jaǵdailar departamenti órt sóndirý jáne avariialyq qutqarý jumystary qyzmetinen.
Vedomstvo málimetinshe, izdestirý búgin de jalǵasýda. Mamandar 6.00-den bastap izdeý sharasyna qaita kiristi
