Foto: Gov.kz
Qyzylordada elimizdegi alǵashqy «Quzyrettilik ortalyǵy» paidalanýǵa berildi. Joba Memleket basshysy Qasym-Jomart Toqaevtyń óńirlerde quzirettilik ortalyqtaryn ashý jónindegi tapsyrmasy aiasynda júzege asyryldy, dep habarlaidy Ult.kz.
Jańa nysan tehnikalyq jáne kásiptik bilim berý uiymdary men biznes ókilderi úshin ortaq platformaǵa ainalady.
Eki qabatty, 1000 orynǵa arnalǵan zamanaýi ǵimarat stýdentterdi halyqaralyq kásibi sheberlik jarystaryna daiarlaýǵa múmkindik beredi. Sonymen qatar munda sarapshylar qaýymdastyǵyn damytý, jumysshy mamandyqtarynyń bedelin arttyrý jáne jastardyń jumysshy kásipterine qyzyǵýshylyǵyn kúsheitý baǵytynda júieli jumystar júrgiziledi.
Ortalyqta jumysshy quzyrettilikteri boiynsha jastardyń kásibi daǵdylaryn qalyptastyrýǵa basymdyq berilgen. Pedagogter men jas mamandar ozyq tehnologiialarmen jumys istep, eńbek naryǵynda suranysqa ie bilikti maman retinde qalyptasýyna jaǵdai jasalǵan.
Sondai-aq ǵimarat respýblikalyq jáne halyqaralyq deńgeidegi forýmdar, konferentsiialar, seminarlar men kórmeler ótkizýge beiimdelgen.
Aita ketý kerek, mundai ortalyqtar óndiris pen bilim berý arasyndaǵy bailanysty kúsheitip, el ekonomikasyna qajetti jumysshy kadrlardy daiarlaýǵa serpin beredi.
