Qyzylorda qalasynda órt sóndirýshiler aýlasynda birneshe tonna janarmai saqtalǵan turǵyn úidegi órtti aýyzdyqtady, dep habarlaidy "Ult aqparat".
Órt Qyzylorda qalasynda ornalasqan ál-Farabi kóshesi boiyndaǵy turǵyn úide boldy.
Oqiǵa ornyna órtke qarsy qyzmetinen 13 qyzmetker 4 tehnikamen bardy.
Órt sóndirýshiler barǵan sátte aýmaǵy 100 sharshy metrdi quraityn qurylys janyp jatqanyn anyqtady.
Oǵan qosa syiymdylyǵy 4 tonna bolatyn janarmai tasymaldaǵysh tehnika dizel otyny, qosymsha qurylys ishinde 2 tonna dizel otyny jáne 4 tonna AI-92 markaly janarmai bar ekeni belgili boldy.
Jalynnyń kórshiles turǵyn úige taralý múmkindigi naqtylandy.
«Órt oqshaýlanyp, tolyǵymen sóndirildi. Oqys oqiǵadan aýmaǵy sol úidiń qurylystary (ishinde 6 tonna dizeldik otyn, 4 tonna AI-92 markaly benzin), kórshi ornalasqan úidiń qosymsha qurylystary zaqymdalǵan. Órt kezinde sol úide turatyn 1994 jylǵy azamattyń denesiniń 60 paiyzyn kúiik shalyp, ol oblystyq meditsina ortalyǵynyń jan saqtaý bólimine jatqyzylǵan», - dedi oblystyq tótenshe jaǵdailar departamenti órt sóndirý jáne avariialyq qutqarý jumystary qyzmetinen.
Vedomstvo málimetinshe, órtti sóndirýge órtke qarsy qyzmetinen 52 qyzmetker men 11 tehnika, arnaiy qyzmetter jumyldyryldy.
