Foto: belta.by
Áleýmettik jelide Qyzylorda oblystyq perinataldyq ortalyǵynda bosanǵannan keiin aýyr jaǵdaida túsken áielge 12 donordan qan quiǵany týraly aqparat tarady. Áielge qan quiylǵan bir aidan keiin oǵan AITV diagnozy qoiylǵan. Oqiǵa tirkelip, densaýlyq saqtaý ministrligine joldanǵany aityldy. Alaida aýrýdy juqtyrǵan adamǵa múldem shara qoldanbaǵan. Dárigerler tergeý júrgizýdiń ornyna, meditsinalyq BAQ-qa jariia etpeý týraly eskertý jasalǵan. Eń soraqysy, naýqasqa aqsha usynylǵan degen derek bar. Bul týraly Stan.kz aqparat agenttigine silteme jasap Ult.kz habarlaidy.
Qyzylorda oblysynyń sanitariialyq-epidemiologiialyq baqylaý departamentiniń baqylaý basqarmasyna byltyr 11 jeltoqsanda saǵat 09.50-de V.20 diagnozy boiynsha jedel habarlama tústi. Alǵashqy epidemiologiialyq zertteý jumystarynyń nátijesine sáikes jańa bosanǵan áielge qan quiylǵan. Sebebi áiel bosaný kezinde kóp qan joǵaltyp, 12 donordan qan alýǵa májbúr bolǵan. Alaida 1 aidan soń qan retsipienti retinde AITV-ǵa (Adamnyń immýntapshylyq virýsy infektsiiasy) 14 qarashada 110.2 kody boiynsha mamandar qan synamasy alǵan.
Málimetterge sensek, IFA, Genscreen HIV jáne IHLA Arhitek ádisterimen tekserilip, nátijesinde "kúmándi" nátije bergen. Qyzylorda oblystyq AITV infektsiiasynyń aldyn alý ortalyǵynyń málimetinshe, naýqas byltyr 22 qyrkúiekte saǵat 17:55-te jedel járdemmen oblystyq perinataldyq ortalyqqa júktiliktiń 40-aptasynda jetkizilgen.
"2024 jyldyń 23 qyrkúieginde saǵat 02:25 tabiǵi jolmen ul bala bosanǵan. 23 qyrkúiekte saǵat 04:25-06:00 aralyǵynda jatyrdan qan ketýine bailanysty laparotomiia ádisimen birinshi ota jasalǵan. 23 qyrkúiekte 17:00-19:05 aralyǵynda qaitadan jatyrdan qan ketýine bailanysty ekinshi ota jasalǵan (jýyrda jasalǵan laparotomiia ornynda qaita laparotomiia júrgizilip, onyń barysynda jatyr ekstirpatsiiasy jasaldy). 23 qyrkúiek pen 16 qazan aralyǵynda oblystyq perinataldyq ortalyqta emin alyp, 16 qazan kúni úiine shyǵarylǵan", – delingen jazbada.
Densaýlyq saqtaý ministri Aqmaral Álnazarova bul iske qatysty vedomstvo tekserý júrgilip jatqanyn málimdedi.
"Árine, bul jaǵdaida densaýlyq saqtaý ministrligi tiisti tekserýler júrgizip jatyr. Sondyqtan qazir eshkimniń jaýapkershilikke tartylmaǵany týraly aitý múmkin emes. Tergeý nátijeleri boiynsha tiisti sharalar qabyldanady", – dedi Aqmaral Álnazarova.
Sonymen qatar qyzylordalyq politsiia qylmystyq is qozǵap tergeý júrgizip jatyr.
"Atalǵan fakti boiynsha meditsina qyzmetkeriniń óz kásibi mindetterin tiisinshe oryndamaý belgileri boiynsha qylmystyq is tirkeldi. Tergeý júrgizilýde, onyń nátijesi boiynsha zańda belgilengen tártipte protsessýaldyq sheshim qabyldanady", – delingen politsiia departamentiniń habarlamasynda.
