Qyzylorda oblysynda aldaǵy aptada aptap ystyq bolady degen boljam bar. Kei jerlerde 45-46 gradýsqa deiin kóteriledi.
Bul jóninde «Qazgidromet» mekemesiniń mamandary málim etti.
Olardyń aitýynsha, óńirde aptap ystyq 27 maýsymnan beri baiqalyp otyr.
Kúndizgi temperatýra 39-44 gradýsty kórsetse, ol túnge qarai 25-30 gradýs shamasynda.
«Ol ońtústikten kelgen jyly aýa massasynyń áserinen bolyp otyr. Aýa raiynyń mundai qubylysy aldaǵy bir apta kóleminde saqtalady dep kútilýde. Ol kei jerlerde 45-46 gradýsqa deiin jetedi dep kútilýde. Óte joǵary órt qaýpi bar», - deqdi «Qazgidromet» RMK Qyzylorda oblysy boiynsha filialynyń bólim basshysy Áigerim Júkeleva.
Osy oraida dárigerler azamattardan barlyq saqtyq sharalaryna nazar aýdarýdy suraidy.
«Aptap ystyqta adamdarda bas ainalý, álsizdik, enjarlyq baiqalady. Kei jaǵdaida murynnan qan ketý jaǵdaiy kórinis beredi. Qan qysymy kóterilip ketýi múmkin. Osyndai sátterde ózderin jaisyz sezingen, júrek-qan tamyry aýrýymen syrqattanatyn adamdap dalaǵa shyqpaǵany durys», - dedi oblystyq salaýatty ómir saltyn qalyptastyrý ortalyǵynyń dárigeri Tolqyn Muhambet.
