Qyzylorda oblysynda respýblikaǵa joldanǵan 22 synamanyń 13-inen delta shtamy anyqtaldy. Ol joldanǵan synamanyń 59 paiyzyn quraidy, dep habarlaidy "Ult aqparat".
«Óńirde jaǵdai kúrdelenip otyr. Ótken demalys kúnderi respýblika kóleminde delta shtamy tasymaldanǵany jaily anyqtalǵan. Sondyqtan barlyq oblystan synama analizder alynǵan bolatyn. Naqty aqparat boiynsha elimizdiń barlyq aimaǵynda úndi shtamy tirkelgen. Onyń ishinde 22 synama jibergen Qyzylorda oblysynda da anyqtaldy», - dedi oblystyq sanitariialyq-epidemiologiialyq baqylaý departamenti basshysynyń orynbasary Áliia Ábdiqaiymova.
Dúniejúzilik densaýlyq saqtaý uiymdarynyń málimdemesinde ekpe egilgennen keiingi qalyptasatyn immýnitet úndi shtamyna tótep bere alady.
Sondyqtan, eń basty úmitimiz egý sharalaryna basymdyq berilýi qajet.
Aita ketý kerek, jyl basynan beri oblysta 7230 adamnan koronavirýsty infektsiia tirkelgen.
Sáýir aiynda 1540 naýqas tirkelip, ekinshi tolqyn kóterilip, basyldy.
Al, maýsym aiynyń 16-nan keiin bir kúnde 26 adam, sonan soń 49 jaǵdai tirkelgen.
