Qyzylorda oblysynda 100 myńynshy turǵyn koronavirýsqa qarsy vaktsina saldyrdy, dep habarlaidy "Ult aqparat".
Bul ońdy oqiǵa oblys ortalyǵyndaǵy №3 qalalyq emhanada tikeldi. Qala turǵyny Gúlnar Quljanova oblys boiynsha vaktsina saldyrǵan 100 myńynshy adam retinde esepke alyndy.
Emhana ujymy osyǵan orai oǵan syi-qurmet kórsetti. Ol otandyq «QazVac» vaktsinasyn saldyrýǵa tańdaý bildirdi.
«Men búgin koronavirýsqa qarsy vaktsina saldyrdym. Densaýlyǵymda eshqandai qobaljý bolǵan joq. Qaterli indettiń toqtatýdyń jalǵyz amaly – vaktsina saldyrý. Sondyqtan barsha jerlesterimdi ekpe egýde belsendilik tanytýǵa shaqyramyn», - dedi Gúlnar Quljanova.
Óńirde búginde 800 myńnan astam adam turady. Dárigerlerdiń aitýynsha, olardyń 370 myńnan astamy ekpe qabyldaýy tiis.
Al №3 emhanaǵa búginge deiin koronavirýsqa qarsy 9649 doza vaktsina keldi. Onyń 8583-i birinshi komponentte salyndy. Ol 88,9 paiyzyn quraidy. Al emhanaǵa vaktsinanyń ekinshi komponenti boiynsha 7945 doza ákelinip, 74,7 paiyzy turǵyndarǵa salyndy.
