"8 tamyzda Qazaqstannyń QHR-daǵy elshisi Shahrat Nuryshev «China Gezhouba group international engineering Co Ltd» bas direktory Liý Tszesianmen kezdesti", - dep habarlaidy Ult.kz tilshisi QazAqparat agenttigine silteme jasap.
Kelissózder barysynda Liý Tszesian Ortalyq Aziia aýmaǵynda kompaniianyń iske asyryp jatqan jobalary arasynda Qazaqstan investitsiia kólemi jaǵynan jetekshi oryn alatynyn atap ótti. Jaqyn arada korporatsiia óńirlerdiń áleýmettik-ekonomikalyq damýyna yqpal etetin Qyzylorda oblysy men Almaty qalasynda iri jobalardy júzege asyrýdy josparlap otyr.
Qytai kásipkeri sondai-aq, Almaty metrosynyń qosymsha salalaryn salý jobasy Qazaqstan men Qytai arasyndaǵy indýstriialandyrý jáne investitsiialar baǵdarlamasy aiasynda júzege asyrylyp, 51 jobanyń tizimine engizilgenin de atap ótti.
Sh.Nuryshev jobanyń sátti aiaqtalýyna tilektestik bildirip, atalǵan jobalardy keńirek talqylaý maqsatynda korporatsiia basshylyǵyn tamyz aiynda Qazaqstanǵa shaqyrdy.
«Gezhouba» 1970 jyly qurylǵan eske salamyz. Kompaniianyń qyzmeti qurylysy, tehnikalyq qyzmet kórsetý, GES, jylý elektr stansalarynda, atom elektr stansalaryna, joǵary jyldamdyqty temir jol, avtomobil joldary, áýejailar, sondai-aq infraqurylym nysandarynyń jumysyn qamtamasyz etý syndy salalardy qamtidy.
Qyzmetkerlerdiń sany 40 myń adamnan asady. «Gezhouba» kompaniiasy álemdegi eń iri sý elektr zaýyty - «Úsh shatqal» GES qurylysynyń negizgi merdigeri bolǵan.
Ult portaly
