Reseimen shekaralas aimaqta ornalasqan Heihe qalasy (Heilýntszian provintsiiasy, Soltústik-Shyǵys Qytai) Reseiden importtalǵantaýarlar qaptamalarynan koronavirýs úlgileri tabyldy. Bul týraly jeksenbi kúni qalanyń Aýrýdy baqylaý jáne aldyn alý ortalyǵy málim etti, dep habarlaidy QazAqparat TASS agenttigine silteme jasap.
WeChat áleýmettik jelisindegi ortalyqtyń resmi akkaýntynda jariialanǵan málimdemege sáikes, senbide Heihe biligi Resei Federatsiiasynan importtalǵan taýarlar saqtalatyn qalalyq qoimada tekserý júrgizgen.
Qujatta kórsetilgendei, koronavirýs reseilik ónimniń tórt túriniń syrtqy qaptamasynan anyqtalǵan.
Olar: KONTI brendiniń shokoladty vaflii (shyǵarylǵan kúni 4 tamyz), KONTI pechenesi (4 tamyz), KONTI qaýyn dámimen jele kámpitteri (17 tamyz), sondai-aq qurǵaq sút (2020 jylǵy 8 qazan). Virýs anyqtalǵan qaptamalardyń naqty sany týraly habarlanbaǵan.
Heihe biligi atalǵan óndiris kúni atalǵan óndiristiń kórsetilgen kúni shyǵarylǵan ónimin alǵan azamattardy taýarlardy dereý dezinfektsiialaýǵa, sondai-aq bul týraly Aýrýlardy baqylaý jáne aldyn alý ortalyǵyna habarlaýǵa shaqyrdy.
Sonymen qatar, atalǵan taýarlardy ótkizý oryndarynda júrgizilgen tekseris kezinde koronavirýsqa test teris nátije kórsetti.
Reseidiń Qytaidaǵy saýda ókildigi beisenbide habarlaǵandai, Resei Federatsiiasymen shekaralas keibir Qytai qalalarynyń biligi koronavirýsqa bailanysty ónimder importyna jańa shekteýler engizdi.
Máselen, 10 qarashada Heilýntszian provintsiiasyndaǵy Sýifenhe shekaralas qalasynyń biligi «Sýifenhe-Pogranichnyi» temirjol ótkizý beketiniń ákimshiliginen keibir importtyq azyq-túlik ónimderin ákelýge ýaqytsha shekteýler engizýdi talap etti.
9 qarashadan bastap «Zabaikalsk-Manchjýriia» shekara ótkeli ornalasqan Hýlýn-Býir qalalyq okrýgi (Ishki Mońǵoliia avtonomiialyq aýdany, Qytaidyń soltústigi) da barlyq baqylaý-ótkizý pýnktteri arqyly salqyndatylǵan azyq-túlik pen basqa da tasymaldanatyn ónimderdi importtaýdy toqtatty.
