Foto:news.myseldon.com
Qytaida órshigen metapnevmovirýs shtamy Qazaqstanda da tabylyp jatyr. Qazaqstan Densaýlyq saqtaý ministrliginiń málimdemesine sáikes, bul virýs uzaq ýaqyttan beri belgili jáne basqa maýsymdyq infektsiialarmen qatar taralady, dep habarlaidy Ult.kz.
Ministrlik málimetinshe, elimizde anyqtalǵan metapnevmovirýs juqtyrý úlesi bar bolǵany 1,6%-dy quraidy, iaǵni jaǵdai baqylaýda.
"Adam metapnevmovirýsy - kóptegen elde ondaǵan jyldar boiy taralǵan klassikalyq virýstardyń biri. Bul virýstyń shtamdary Qazaqstanda JRVI jáne tumaý aýrýlarynyń maýsymdyq ósýi kezeńinde keńistikte belsendi ainalymda bolatyn infektsiialardyń basqa túrlerimen qatar anyqtaldy", - delingen vedomstvo habarlamasynda.
Epidemiialyq maýsym bastalǵannan beri Qazaqstanda tumaýǵa jatpaityn virýstardyń 8 360 úlgisi zerttelip, aýrýdyń taralýyna jan-jaqty taldaý jasalýda.
Onyń ishinde oń 1866 (22 paiyz), onyń ishinde paratumaý – 178 (9,5 paiyz), RS virýsy – 433 (23,2 paiyz), metapnevmovirýs – 30 (1,6 paiyz), rinovirýs – 680 (36,4paiyz), bokavirýs – 113 (6,1paiyz), adenovirýs – 226 (12,1 paiyz), koronavirýs – 206 (11,1 paiyz).
"Metapnevmovirýs negizinen aýa tamshylary arqyly jáne az jaǵdaida turmystyq bailanys arqyly juǵady.
Infektsiianyń negizgi belgileri – jótel, murynnan sý aǵý, entigý, tyrysý, bas aýrýy. Naqty em joq, simptomatikalyq emdeý qoldanylady. Qazirgi ýaqytta Qazaqstanda búkil álemdegidei JRVI jáne tumaýmen syrqattanýshylyqtyń maýsymdyq ósýi tirkelip otyr", - deidi Densaýlyq saqtaý ministrligi ókilderi.
Epidemiologiialyq maýsymnyń basynan bastap, elimizde 2024 jylǵy 1 qazanynan bastap respýblikada JRVI-diń 2 002 335 jaǵdaiy jáne zerthanalyq rastalǵan tumaýdyń 941 jaǵdaiy, onyń ishinde A(H1N1) tipti tumaýdyń 910 jaǵdaiy, A(H3N2)-1 jaǵdaiy, V tumaýynyń 30 tirkeldi.
Sonymen qatar, ministrlik turǵyndardy maýsymdyq infektsiialardyń aldyn alý sharalaryn saqtaýǵa shaqyrady:
- Qoldy jii jýý jáne jeke gigiena erejelerin saqtaý;
- Jabyq jáne adamdar kóp jinalatyn jerlerde maska taǵý;
- Immýnitetti kúsheitý úshin durys tamaqtanyp, dene belsendiligin arttyrý.
Eger aýrý belgileri baiqalsa, dereý dárigerge júginý usynylady.
