Qytaida bir táýlik ishinde koronavirýs juqtyrýdyń jańa rastalǵan oqiǵalar sany ekinshi kún qatarynan 100-den asty, dep habarlaidy "Ult aqparat".
Qytaidyń densaýlyq saqtaý isteri jónindegi memlekettik komiteti taratqan málimetke qaraǵanda, elde sońǵy táýlikte (29 shildedegi jaǵdai boiynsha) koronavirýs juqtyrýdyń 102 rastalǵan oqiǵasy tirkelgen, sonyń ishinde 96-sy – Shyńjań-Uiǵyr avtonomiialyq aýdanynda (ShUAA), beseýi Liaonin provintsiiasynda jáne bireýi – Beijiń qalasynda tirkelgen.
«Shyńjańda COVID-19 juqtyrýdyń 414 rastalǵan oqiǵasy tirkeldi, sonyń ishinde 412 oqiǵa - Úrimjide, sondai-aq, aýrý belgilerinsiz júrgen 143 adam (140 adam Úrimjide) anyqtaldy. 12 myńnan astam adam dárigerler qaraýynda», - delingen QHR densaýlyq saqtaý isteri jónindegi memlekettik komitettiń aqparattyq biýlleteninde.
Qytaida koronavirýs juqtyrýdyń 84 165 rastalǵan oqiǵasy anyqtalǵan. Aýrýhanadan 78 957 adam emdelip shyǵaryldy. Virýstan 4634 adam qaitys boldy. Qazirgi kezde 547 naýqas statsionarlyq em qabyldaýda (sonyń ishinde 33 adam aýyr halde jatyr).
