Ótken táýlikte Qytaida koronavirýs juqtyrǵan 49 jańa jaǵdai tirkeldi, kóz jumǵandar joq, dep habarlaidy QazAqparat.
Qytai Gigiena jáne densaýlyq saqtaý isteri jónindegi memlekettik komitettiń habarlaýynsha, 14 maýsym koronavirýs juqtyrǵan 49 jańa oqiǵa tirkeldi.
Dúisenbi kúni densaýlyq saqtaý isteri jónindegi elordalyq komitetke silteme jasaǵan Beijing Daily habarlaǵandai, ótken demalys kúnderi 77 myńǵa jýyq adam COVID-19-ǵa test tapsyrǵan. 59 adamǵa test oń nátije kórsetken, oldardyń 27-si arnaiy aýrýhanaǵa jatqyzyldy. Sondai-aq, 11simptomsyz tasymaldaýshy anyqtalǵan.
Tekserilgender qatarynda «Sinfandi» kóterme saýda bazarynyń qyzmetkerleri men satýshylary, Fentai aýdanynyń turǵyndary, sondai-aq sońǵy eki apta ishinde bazarǵa kelgen adamdar bar.
Sońǵy derekter boiynsha osy ýaqytqa deiin qurlyqtyq Qytaida 83 myń adam koronavirýspen aýyrǵan. Olardyń 4634-i qaitys boldy.
