Sársenbide jariialanǵan zertteýge sáikes, Qytaida tas dáýirindegi qus músini tabyldy, dep habarlaidy "Ult aqparat" CNN agenttigine silteme jasap.
Bul músin - Shyǵys Aziianyń úsh ólshemdi óneriniń eń ejelgi tanymal úlgisi.
Músin Qytaidyń ortalyǵyndaǵy Henan provintsiiasynyń Lintszin qalasynda arheologiialyq qazba ornynan tabyldy. Ol tas quraldarynyń kómegimen janýardyń kúidirilgen súiekterinen qoldan oiylǵan.
Zertteýshilerdiń aitýynsha, tuǵyrǵa beinelengen qus músininde kózderi men tumsyǵy kórinedi.
«Bul músin Batys Eýropa men Sibirden tabylǵan basqa úlgilerden tehnologiialyq jáne stilistikalyq jaǵynan erekshelenedi. Bul paleolit jáne qazirgi qytai músinin bailanystyratyn joq bolyp turǵan býyn bolýy múmkin»,-deidi zertteýshiler.
Nysannyń jasyn anyqtaý úshin radiokómirtekti zertteýmen qatar ǵalymdar músinshiniń qoldanǵan oiý tásilderin anyqtaýǵa kompiýterlik tomografiiany qoldandy. Olar músin jasaý úshin qajaqty, kalibrleýshi, tyrnaý jáne kesetin tastan jasalǵan qural-saimandardyń qoldanylǵany týraly dálelder tapty.
Qazba jumystaryn Shandýn provintsiiasyndaǵy Shyǵys Qytai ýniversitetiniń zertteýshileri, sondai-aq Frantsiia, Izrail jáne Norvegiia kolledjderiniń sarapshylary júrgizdi.
