Bortynda úsh spýtnigi bar «Chanchjen-2D» tasymaldaýshy zymyrany Qytaidyń Gansý provintsiiasyndaǵy «Tsziýtsiýan» ǵarysh ailaǵynan ushty, dep habarlaidy Sinhýa agenttigi.
Qytai ǵarysh ǵylymy jáne tehnikasy korporatsiiasynyń (CASC) habarlaýynsha, zymyran sársenbi kúni, iaǵni búgin jergilikti ýaqytpen 15.19-da (Nur-Sultan ýaqytymen 13.19) ushyryldy. Quramynda «Gaofen-9» Jerdi qashyqtan zondtaý spýtnigi (JQZ) bar úsh spýtnik te orbitaǵa sátti shyǵaryldy.
«Gaofen-9» JQZ spýtnigi Jerdiń betki qabatyn baqylaý, qalany josparlaý, aýylsharýashylyǵy qajettiligin anyqtaý, tabiǵi apattardy boljaý úshin paidalanylady. Oǵan qosa spýtnik «Bir beldeý, bir jol» bastamasy men ulttyq qaýipsizdikti jańartý syndy iri ulttyq jobalardy júzege asyrý úshin aqparatpen qamtamasyz etip otyrady.
«Hede-5» spýtnigin China Head Aerospace Technology Beijiń kompaniiasy jasap shyǵardy. Ol keme isi men navigatsiia qajettilikteri úshin qoldanylady.
Úshinshi «Pisin-3A» spýtnigin baqylaý jaýap bergishi jáne spýtniktiń elektrondyq júieleri siiaqty spýtniktik tehnologiialardy zertteý úshin ázirledi.
