Búgin Astanadaǵy baspasóz máslixatynda Qytai Halyq Respýblikasynyń Qazaqstandaǵy Tótenshe jáne Ókiletti Elshisi Chjan Hanxýei "qytailyq qater" týraly mifti joqqa shyǵarýǵa tyrysty, dep xabarlaidy Ult.kz tilshisi QazAqparat agenttigine silteme jasap.
"Árine, biz "qyrǵi-qabaq soǵystyń" mentalitetinen aryldyq. Degenmen, tarixty umytpaý qajet. Qazirgi kezde bázbireýler san alýan aqparattar taratyp, "qytailyq qater" jaiynda jii aitady. Bizdiń kimge jáne qalai shabýyl jasaitynymyzdy búge-shúgesine deiin áńgimeleidi. Alaida Qytai eshkimge shabýyl jasaǵan joq, jasamaidy da", - dep atap kórsetti Hanxýei myrza.
Elshiniń aitýynsha, búginde Qytai Halyq Respýblikasy aqparattyq texnologiialar, óndiris, ǵarysh jáne taǵy basqa salalar boiynsha oq boiy ozyq shyǵyp, "Qytaida jasalǵan" emes, "Qytaida dúniege kelgen" degen deńgeige jetti. Sol sebepti Amerika siiaqty derjavalar qipaqtai bastady. "Kezinde ondaǵan álemdik derjava Qytaiǵa shabýyl jasap, Beijińge deiin jetkende eshkim eshteńe aitpady. Al qytailyqtar aiaqqa turyp, ózin-ózi qorǵai alatyn dárejege jetken kezde "qytailyq qater" týraly aita bastady. Ol durys emes. Qytai xalqy bireýge kúsh qoldanyp, óz yqpalyn júrgizýdi kózdep otyrǵan joq. Biz ózara áriptestik negizinde jumys jasaýdy qalaimyz", - dep atap kórsetti elshi.
Aita keteiik, búgingi baspasóz máslixatynda Chjan Hanxýei Qytaidyń qazirgi áleýmettik-ekonomikalyq jaǵdaiy týraly aityp berdi. Onyń sózine qaraǵanda, Qytaida jyl saiyn 13,1 mln. jańa jumys oryny ashylyp turady.
