Qytaida 2020 jyly jetinshi jalpyulttyq halyq sanaǵyn júrgizýdi bastaidy. Bul týraly juma kúni 13-shi shaqyrylymdaǵy Búkilqytailyq halyq ókilderi jinalysynyń 3-shi sessiiasynda jariialanǵan baiandamada aityldy, dep habarlaidy "Ult aqparat".
QHR Memlekettik keńesiniń habarlaýynsha, sanaq 2020 jyldyń 1 qarashasynda bastalyp, halyqtyń sany, qurylymy jáne geografiialyq jaǵynan bólinisin anyqtaidy.
«Qytaida qalalarda toptasý deńgeii alǵash ret 60 paiyzdan asqan», - delingen baiandamada. Al 2010 jyly qaladaǵy turǵyndar sany 49,6 paiyzdy quraǵan.
Eske sala ketsek, sońǵy halyq sanaǵy 2010 jyly bolǵan. Keiingi on jylda, 2000 jyly ótkizilgen 5-shi sanaqtan keiin qurlyqtaǵy Qytai turǵyndarynyń sany 73,9 mln adamǵa kóbeigen. Jalpy alǵanda, 2010 jylǵy jaǵdai boiynsha Qytai halqynyń sany 1,3 mlrd adamnan asqan.
Bul elde jalpyulttyq halyq sanaǵy 1953, 1964, 1982, 1990, 2000 jáne 2010 jyldary júrgizilgen.
