«Beidoý» navigatsiia júiesiniń sońǵy jerserigin 16 maýsymda ushyrý josparlanyp otyr. Bul týraly Qytaidyń navigatsiia júiesiniń jerserikter is boiynsha keńsesi dúisenbi kúni málim etti, dep habarlaidy "Ult aqparat".
«Beidoý-3» navigatsiia júiesiniń geostatsionarlyq jerserigi Qytaidyń ońtústik-batysynda Sychýan proovintsiiasyndaǵy «Sichan» ǵarysh ailaǵynan ushyrylady. «Uly sapar-3» zymyran tasyǵyshy jerserikti orbitaǵa jetkizedi. Ushyrylym Beijiń ýaqytymen 16 maýsymda saǵat 10:11 men 10:50 aralyǵyna belgilengen.
Qazir «Beidoý-3» apparatyn jerdegi tehnikalyq synaý jáne ushyrylym aldyndaǵy basqa da tehnikalyq ázirlik jumysy aiaqtalǵan.
Eske sala ketsek, Qytaidyń «Beidoý» navigatsiia júiesi úsh kezeńde júzege asyryldy. 2000 jyly Qytai aýmaǵyn qamtityn «Beidoý-1» júiesiniń bir bóligi qalyptastyryldy, 2012 jyly Aziia-Tynyq muhit aimaǵyn qamtityn «Beidoý-2», 2020 jyly jahandyq navigatsiialyq topty qamtityn «Beidoý-3» qolǵa alyndy. «Beidoý-3» júiesinde 30 jerserik bar, onyń 29-y Jer ainalasyna orbitaǵa shyǵarylǵan.
