Foto: UOK
Qazaqstan sportshylary Qysqy Olimpiada oiyndaryndaǵy nátijeleri úshin jalpy somasy 255 myń dollar kóleminde memlekettik syiaqy alady, - dep habarlaidy Ult.kz.
Qoldanystaǵy zańnamaǵa sáikes, Olimpiadada 1–6 oryn aralyǵynda nátije kórsetken sportshylar men olardyń jattyqtyrýshylaryna aqshalai marapat beriledi. Biyl el namysyn qorǵaǵan 36 sportshynyń ishinen júldeli nátije kórsetkeni – ekeý ǵana. Bul kórsetkish el sportynyń búgingi ahýalyna oi júgirtýge negiz bar ekenin ańǵartady.
3000 metr qashyqtyqta 6-oryn alǵan konkishi Nadejda Morozova zańǵa sáikes 5 myń dollar syiaqy alady. Dál osyndai soma onyń jattyqtyrýshysyna da qarastyrylǵan. Bul shamamen 2,5 million teńgeni quraidy.
Al mánerlep syrǵanaýshy Mihail Shaidorov Olimpiada chempiony atanyp, 250 myń dollar ielenbek. Bul shamamen 124,5 million teńge. Shaidorovtyń jeńisi – tarihi nátije. Bul Qazaqstannyń Olimpiada tarihyndaǵy mánerlep syrǵanaýdan alǵan alǵashqy altyn medali ári Táýelsizdik jyldaryndaǵy Qysqy oiyndardaǵy ekinshi altyn júldesi.
Degenmen, zańǵa sáikes memleket syiaqyny bir jylǵa deiin keshiktirýge quqyly. Osy merzim ishinde sportshylar dopingke qatysty barlyq tekseristen ótedi, al qarajat rezervtik qor esebinen bólinedi.
