Ankarada áskeri tóńkeris jasady dep aiyptalǵan oppozitsiialyq islam dinin ýaǵyzdaýshy Fethýllah Giýlenniń jaqtaýshylary Qyrǵyzstanda tóńkeris jasaýy múmkin, - dep habarlaidy RIA Novosti Túrkiianyń SIM basshysy Mevliýt Chavýshoǵlyǵa silteme jasap.
"Eger Qyrǵyzstanda tóńkeris bolsa, ony Gúlenniń uiymy jasaidy. Bul Qyrǵyzstan úshin úlken qaýip", - dep málimdedi Chavýshoǵly CNN Turk telearnasyna bergen suhbatynda.
Eske salaiyq, 16 shildege qaraǵan túni Túrkiiada áskeriler memlekettik tóńkeris jasaýǵa árekettengen edi. "Áskeri adamdar toby ózderine berilgen quziret men qarýdy paidalana otyryp, quqyqqa qaishy áreket jasamaq boldy... Muny tóńkerilis dep aitý durys emes shyǵar, biraq qandai jaǵdai bolsa da, bizdiń azamattarymyz tynyshtyqta ómir súrýi kerek, biz beibitshilik pen tártipti saqtaý úshin qoldan kelgendi jasaimyz. Kináli adamdar eń qatal jaza alady", - dep málimdegen edi túrik úkimetiniń basshysy NTV telearnasynyń efirinde telefon arqyly.
