Ótken táýlikte Qyrǵyzstanda 12 meditsina qyzmetkeriniń COVID-19 aýrýyna shaldyqqany anyqtaldy. Bul týraly 27 mamyrda densaýlyq saqtaý ministriniń orynbasary Nýrbolot Ýsenbaev habarlady.
Onyń aitýynsha, Bishkekte - 5, Osh oblysynda 7 qyzmetkerden koronavirýs tabylǵan. Bir kúnde 6 dáriger jazylǵan.
Elde COVID-19 diagnozy qoiylǵan meditsina qyzmetkerleriniń sany 299 adamǵa jetti, 243-i jazylyp, aýrýhanadan shyqqan.
27 mamyr kúngi aqparat boiynsha, Qyrǵyzstanda 1520 adamǵa virýs juqqan, jalpy 1043 adam jazylǵan, 16 adam qaitys bolǵan.
