"Qyrǵyzstan jáne Ózbekstan shekarashylary qyrǵyz-ózbek shekarasyndaǵy mártebesi anyqtalmaǵan Ýngar taýyna ózbek militsiiasynyń ornalasýynan soń týyndaǵan kelispeýshilikterdi talqylady", - dep jazady kaz.365info.kz.
Qyrǵyz shekara qyzmetiniń habarlaýynsha, kezdesý Aksyi aýdanyndaǵy Mamai eldi-mekeninde ótti. Qyrǵyz tarapyn kelissózderge Ala-Býkin baǵyty boiynsha shekara ókili podpolkovnik Baqytbek Janǵaziev bastap bardy. Qyrǵyzstan kelisilmegen ýchaskide Ózbekstan IIM qyzmetkerlerin ornalastyrý maqsatyn túsindirýin jáne olardy tez arada alyp ketýin talap etti.
Ózbek tarapy bolsa Qyrǵyzstan aýmaǵynda buǵan deiin qolǵa túsken Ózbekstan IIM qyzmetkeri qaitarylsyn degen talap qoiǵan. Buǵan qosa ózbek shekarashylary Ala-Býkin aýdanyndaǵy Orto-Tokoi sý qoimasy mańyndaǵy qyrǵyz militsiia beketterin alyp tastaýyn talap etken.
Kezdesý barysynda taraptar qoiylǵan talaptardy tiisti organdar men qurylymdarǵa jetkizýge kelisti. Qyrǵyz-ózbek shekarasyndaǵy jaǵdai birqalypty.
Buǵan deiin qyrǵyz shekara qyzmeti 22 tamyzda mártebesi anyqtalmaǵan aýmaqqa Ózbekstan IIM-niń Mi-8 tikushaǵymen shamamen 7 qyzmetkeri ornalasqanyn habarlaǵan edi.
