Biyl elimizde elimizde qylmys 2,5 paiyzǵa azaidy. Bul týraly halyqqa esep berý kezdesýinde QR ishki ister ministri Erlan Turǵymbaev aitty, dep habarlaidy "Ult aqparat".
«Jyl basynan beri eldegi qylmys 2,5 paiyzǵa azaidy. Qaraqshylyq shabýyl – 7, tonaý –22, buzaqylyq 26 paiyzǵa qysqardy. Sondai-aq jasóspirimder arasyndaǵy, qoǵamdyq oryndar men kóshelerde jáne mas kúiinde jasalatyn qylmystar tómendedi. Qylmysty ashý kórsetkishi jaqsardy. Qoǵamdyq oryndarda qaýipsizdikti qamtamasyz etýge basty nazar aýdarylady», - dedi ministr.
Onyń atap ótýinshe, Memleket basshysynyń tapsyrmasymen «jurtqa jaqyn politsiia» jospary iske asýda.
«Osy jumys aiasynda turǵyn úi ainalasynda, saiabaqtarda jáne skverlerde jaiaý patrýldiń sany kóbeitilýde. Qalalardyń asa kriminogendik ýchaskelerinde zamanaýi politsiianyń modýldik beketteri ornatylýda. Sol beketterde azamattardy táýlik boiy qabyldap, qyzmet atqarý úshin barlyq qajetti jaǵdai jasalǵan. Sondai-aq, «politsiiany shaqyrtý» dabyl júiesi ornatylǵan. Aryzdanyp kelgen azamat, tikelei kezekshi bólimge habarlasa alady», - dedi Erlan Turǵymbaev.
