Túrkistan oblysynyń qutqarýshylary Túrkistan oblysynda joǵalyp ketken 7 adamnyń úsheýin tapty, dep habarlaidy "Ult aqparat".
«Búgin «Qazaviaqutqarý» tikushaǵymen áýeden barlaý barysynda Sairam-Ógem shatqalynda joǵalǵan jeti jigittiń úsheýi tabyldy. Olardyń hal-jaǵdaiy jaqsy. Qalǵan týristerdi izdestirý jumystary jalǵastyrylýda»,-dep habarlady QR Tótenshe jaǵdailar ministrligi resmi ókili Talǵat Ýáli.
Qazirgi ýaqytta Apattar meditsinasy ortalyǵynyń psihologtary joǵalǵan jigitterdiń týystaryna psihologiialyq kómek kórsetýde.
Izdestirý jumystaryna qutqarýshylar, politsiia qyzmetkerleri, shekara qyzmetiniń atty patrýli, ulttyq park qyzmetkerleri jáne joǵalǵan adamdardyń týystary, sondai-aq «Qazaviaqutqarý» kásipornynyń eki tikushaǵy jumyldyryldy.
Eske sala keteiik, Tólebi aýdanyndaǵy Sairam-Ógem memlekettik ulttyq tabiǵi parkiniń aýmaǵynda 7 adamnyń joǵalǵany týraly habarlama 112 pýltine 2021 jylǵy 25 mamyrda saǵat 18:30-da kelip tústi. 21 mamyrda týrister «Sary-Aiǵyr» shatqalyna jaiaý bet alǵan bolatyn. Qutqarýshylarǵa habarlasqan adamnyń aitýynsha, olar 24 mamyrda úige oralýy kerek edi.
