QR Májilis depýtattaryny depýtattyq saýalyna jaýap bergen Premer-ministr Asqar Mamin qutqarýshylardy áleýmettik qorǵaý sharalaryn jaqsartý sharalaryna túsinikteme berdi, dep habarlaidy QazAqparat agenttigi.
«Azamattyq qorǵanys organdarynyń qyzmetkerleri men qutqarýshylardy áleýmettik qamsyzdandyrý sharttaryn jaqsartý týraly saýaldaryńyz boiynsha mynany habarlaimyn. Qazir azamattyq qorǵanys organdarynda áskeri shen beriletin áskeri qyzmetker mártebesi qyzmettik mindeti azamattyq qorǵanys júeisin damytýmen bailanysty laýazymdar sanatyna ǵana beriledi», - dep jazdy Asqar Mamin depýtattyq saýalǵa bergen jaýabynda.
Iaǵni, tótenshe jaǵdailardyń aldyn alý jáne olardy joiý, halyqqa shuǵyl meditsinalyq jáne psihologiialyq kómek kórsetý jónindegi, sondai-aq memlekettik órtke qarsy qyzmet organdarynda qyzmet ótkerip júrgen azamattyq qorǵanys organdarynyń qyzmetkerlerine quqyq qorǵaý organdary qyzmetkerleriniń arnaýly ataqtary tiisti Ol jeńildikterge eńbek sińirgen jyldary úshin jeńildikti zeinetaqy tólemderi, qaza tapqan nemese mertikken jaǵdailarda otbasyna usynylatyn áleýmettik kepildikter, meditsinalyq jáne sanatorii-kýrorttyq jeńildikter, memlekettik turǵyn úi qorynan birinshi kezekte basapana berý, synyptyq biliktiligi úshin ústemeaqy tóleý siiaqty sharalar jatqyzylǵan.
«Azamattyq qorǵanys organdarynyń qutqarýshylaryna qyzmet synyby, árdaiym tqtenshe jaǵdaiǵa shyǵýǵa daiyn júretini, radiostantsiialarmen jumys istegeni, tym joǵary nemese tym tómen temperatýralarda jumys istegeni, qaza tapqandardyń denelerimen nemese máiit bólshekterimen jii bet-bet keletin psihikalyq-emotsionaldy júktemesi úshin qosymsha aqylar men ústemeaqylar kózdelgen. Tótenshe jaǵdailar ministrligi (TJM) múddeli memlekettik organdarmen birlesip, Azamattyq qorǵanys organdarynyń qyzmetkerleri men qutqarýshylaryn áleýmettik qamsyzdardyrý sharttaryn jaqsartý boiynsha júieli jumys júrgizýde» delingen Premer-Ministrdiń jaýabynda.
Úkimet basshysynyń depýttarǵa bergen málimeti boiynsha, atalǵan áleýmettik qorǵaý sharalaryn jetildiretin norma jobasy Májálistiń qaraýnyda jatyr. Ol qujat boiynsha endi qutqarýshylar ózderi turyp jatqan qyzmettik baspanany menshikke qaratý tetitkeri qarastyrylǵan.
«Úkimettiń 2021 jylǵy 22 shildedegi №505 qaýlysymen Parlament Májilisine engizilgen «Qazaqstan Respýblikasynyń keibir zańnamalyq aktilerine quqyq qorǵaý qyzmetin ótkerý tártibin jetildirý máseleleri boiynsha ózgerister men tolyqtyrýlar engizý týraly» zań jobasynda quqyq qorǵaý organdary, onyń ishinde azamattyq qorǵanys organdary qyzmetkerleriniń áleýmettik kepildikteri men jeńildikterin jaqsartýǵa baǵyttalǵan túzetýler kózdelgen. Bul – ózderi turyp jatqan turǵyn úilerdi menshikke alý, qyzmetkerlerdiń balalaryna mektepke deiingi balalar mekemelerinde kezekten tys oryn berý, qyzmetker aýrýy saldarynan qaitys bolǵan jaǵdaida ótemaqy tóleý máseleleri», - dep jazady Asqar Mamin.
