Foto: ashyq derekkóz
2024 jyldan bastap qurylys kompaniialary jańa úilerdegi terezelerge qaýipsizdik qulyptaryn ornatýǵa mindetteldi, dep habarlaidy Ult.kz.
Búgin Ortalyq kommýnikatsiialar qyzmetinde ótken baspasóz konferentsiiasynda QR Oqý-aǵartý ministrliginiń ókilderi balalardyń quqyqtaryn qorǵaý salasynda atqarylyp jatqan jumystar týraly baiandap, ózekti máselelerdi talqylady.
Óz sózinde Balalar quqyqtaryn qorǵaý komitetiniń tóraiymy sońǵy jyldardaǵy taldaý nátijelerine toqtalyp ótti. Onyń aitýynsha, balalardyń terezeden qulaý jaǵdailarynyń 80%-y úi jaǵdaiynda, negizinen 2-5 jas aralyǵyndaǵy balalardyń qatysýymen oryn alady. Osyǵan bailanysty, 2024 jyldan bastap jańa turǵyn úilerdiń terezelerine qaýipsizdik qulyptaryn ornatý qurylys kompaniialary úshin mindetti talap retinde engizildi.
«Qurmetti ata-analar! Balanyń ómiri men densaýlyǵy kóbinese qarapaiym, biraq mańyzdy sheshimderge bailanysty. Terezelerge qaýipsizdik qulyptaryn ornatý, qorǵanys torlaryn qoldaný jáne qarapaiym saqtyq sharalaryn esten shyǵarmaý – jazataiym oqiǵalardyń aldyn alýdyń tiimdi joly», – dedi Nasymjan Ospanova.
Aita keteiik, bul talaptar bilim berý, tálimgerlik, áielder quqyqtaryn qamtamasyz etý jáne balalar qaýipsizdigine qatysty zańdar aiasynda engizildi. Ol 2024 jyldan bastap paidalanýǵa berilip kele jatqan jańa úilerge qoldanylady.
