Foto: Májilis
Senat tóraǵasy Máýlen Áshimbaev Quryltai jumysyn biyl 1 qyrkúiekten bastaitynyn aitty, dep habarlaidy Ult.kz.
"Eger halyq jańa Konstitýtsiia jobasyn qoldasa, biz jumysty 1 shildege deiin aiaqtaimyz. Sodan keiin 1 qyrkúiekte jańa parlament óz jumysyn bastaidy", – deidi Máýlen Áshimbaev.
Usynylyp otyrǵan ózgeristerge sáikes:
- Qos palataly parlament – Senat pen Májilis taratylady;
- Onyń ornyna bir palataly parlament – Quryltai qurylady;
- Quryltai quramyna 145 depýtat kiredi;
- Barlyq depýtattar proportsionaldy júie boiynsha partiialyq tizimdermen sailanady;
- Depýtattardyń ókilettik merzimi 5 jyl bolady;
- Partiialar úshin sailaýaldy ótý shegi 5% deńgeiinde belgilenedi.
Quryltaidyń ókilettikteri:
Quryltai eldegi jalǵyz zań shyǵarý organy bolady. Ol:
- zańdar men konstitýtsiialyq zańdardy qabyldaidy;
- respýblikalyq biýdjetti jáne onyń oryndalýy týraly esepterdi bekitedi;
- premer-ministrdi taǵaiyndaýǵa kelisim beredi;
- úkimettiń esepterin tyńdaidy;
- jekelegen memlekettik organdardy qalyptastyrýǵa qatysady.
Sonymen qatar Prezident zań shyǵarý bastamasy quqyǵyn jáne veto qoiý quqyǵyn saqtap qalady.
