Almatyda Qurban ait kúnderi qurbandyqqa shalynǵan etti muqtaj jandarǵa jetkizip berý uiymdastyrylady. Bul týraly Almaty qalasy Bostandyq aýdany «Baiken» meshitiniń Bas imamy Daniiar Jumabaev aitty, dep habarlaidy "Ult aqparat".
Imamdar halyqty jappai meshitke barmaýǵa shaqyrdy.
«Biylǵy jyly Qurban ait dástúrli merekesiniń aiasynda karantindik shekteý sharalaryna bailanysty meshitter janynda qurbandyq shalynbaidy jáne onyń eti taratylmaidy. Qurbandyqqa shalynǵan etti alýǵa ótinish bildirgenderge meshitke kelýdiń qajeti joq. Qurbandyq eti arnaiy qurylǵan shtab arqyly muqtaj jandardyń úilerine jetkiziledi», - dedi Daniiar Jumabaev.
Imam karantin talaptaryn saqtaý úshin Almaty qalasynyń meshitterinde merekelik Ait namazy oqylmaitynyn aitty.
Qurbandyq shalýǵa ótinish berý jáne muqtaj, az qamtylǵan qala turǵyndarynyń et alýǵa qaldyrǵan ótinishterin alý Qurban2020.kz saity arqyly 24 shildeden 30 shilde aralyǵynda júrgiziledi. Osy ýaqytqa deiin 1305 adam et alýǵa ótinish bildirgen.
2 jáne 3 tamyz kúnderi qurbandyqqa shalynǵan et taratylady.
Qosymsha aqparatty 8(700)7197622, 8(727)3976390 bailanys telefondary arqyly bilýge bolady.
