"Rostov" jáne "Rýbin" komandalarynyń 68 jastaǵy eks-tálimgeri Qurban Berdyev Aleksei Shpilevskii otstavkaǵa ketken jaǵdaida "Qairatty" jattyqtyrady, - dep habarlaidy Tengrinews.kz tilshisi Vesti.kz saityna silteme jasap.
KazFootball.kz málimetinshe, 33 jastaǵy Shpilevskii komandanyń bas bapkeri qyzmetinen ketýge jaqyn. Elimizdiń qazirgi chempiony osy maýsymdy sátsiz bastady, 13 týrda bes ret qana jeńdi.
Berdyevty fýtbol jankúierleri sońǵy ret "Astana" - "Qairat" ortalyq matchinde almatylyq klýbtyń basshylarymen kórgen.
Eske salaiyq, buǵan deiin Qazaqstannyń "Qairat Máskeý" komandasy Reseidiń ekinshi ligasynda óner kórsetetini habarlanǵan bolatyn. Klýb resmi túrde chempionatqa qatysýǵa joldama aldy.
