Shilde aiynda qazaqstandyqtar Astana kúni men Qurban ait meiramyn toilaidy, dep habarlaidy "Ult aqparat".
Qazaqstan Respýblikasyndaǵy ulttyq jáne memlekettik merekeler atap ótiletin kúnder elimizdiń eńbek zańdaryna sáikes mereke kúnderi dep tanylady. Mereke kúnderi jumys istemeitin kúnder bolyp tabylady.
Al biyl memlekettik mereke sanalatyn Astana kúni 6 shilde seisenbige kelip tur. Qurban ait meiramy da 20 shilde seisenbige dóp túsedi. Al 3 kúnge sozylatyn bul dini meiramnyń birinshi kúni elimizde demalys retinde jariialanǵan. Sondyqtan 6 jáne 20 shilde kúnderi demalys sanalady. Demek, aptasyna 5 kún jumys isteitin Qazaqstan azamattary shilde aiynda 11 kún demalady.
Aita keteiik, Oraza aittan 70 kúnnen keiin toilanatyn Qurban aitta jaǵdaiy bar, əri jolaýshy emes musylmanǵa qurbandyq shalý - ýəjip, musylmandyq mindet. Qurbandyqqa túie, siyr jəne qoi (eshki de) shalynady. Qurbandyq etiniń bir bóligi ózine qalady, ekinshi bóligi aǵaiyn-týys, kórshilerge beriledi, úshinshi bóligi kómekke muqtaj jandarǵa taratylady.
